TVB年度壓軸盛事《萬千星輝頒獎典禮2023》仲有3個星期就隆重舉行，表揚同嘉許全台台前幕後過去一年嘅努力、演藝成就同廣受大眾歡迎嘅電視節目。
今年典禮將移師至澳門上葡京綜合度假村舉行，全城矚目嘅視帝、視后同各個獎項得主將會喺澳門誕生。今年各個獎項嘅提名名單，結合咗幕後製作人員同專業評審嘅意見，13個獎項包括 :「最佳劇集」、「最佳男主角」、「最佳女主角」、「最佳男配角」、「最佳女配角」、「最佳綜藝節目」、「最佳資訊及專題節目」、「最佳男主持」、「最佳女主持」、 「飛躍進步男藝員」、「飛躍進步女藝員」、「最佳電視歌曲」同埋「最具潛質新人」。各個獎項將由觀眾、TVB全台職藝員以及大會評委會聯合選出最後得獎結果。
各獎項現正接受觀眾投票，截止日期至2024年1月7號(星期日)深夜12時(香港時間)，觀眾可透過手機或平板電腦掃描《萬千星輝頒獎典禮2023》二維碼（QR Code），或直接至投票網頁 https://act.tvb.com/vote/tvb2023/tc ，投選每個獎項最多3個心水選擇，更可於投票截止前無限次更改，系統會以最後一次遞交嘅選擇為準。
參與投票嘅香港觀眾，答中問題更可參加抽獎，贏取由澳門上葡京綜合度假村送出嘅豪華客房住宿一晚以及香港至澳門來回船票一套(共10份)。 此外，大灣區同馬來西亞嘅觀眾亦可參與投選「大灣區最喜愛TVB劇集」、「大灣區最喜愛TVB男主角」、「大灣區最喜愛TVB女主角」、「大灣區最喜愛TVB綜藝及資訊節目」、「馬來西亞最喜愛TVB劇集」、「馬來西亞最喜愛TVB男主角」、 「馬來西亞最喜愛TVB女主角」、「馬來西亞最喜愛TVB綜藝及資訊節目」，以上獎項將由觀眾投票聯同大會評委會選出。
TVB日前公布各獎項10強名單，而馬來西亞觀眾最關注嘅「馬來西亞最喜愛TVB劇集」、「馬來西亞最喜愛TVB男主角」、「馬來西亞最喜愛TVB女主角」、「馬來西亞最喜愛TVB綜藝及資訊節目」提名名單今日亦正式揭曉， 投票中午12時已正式展開，觀眾可以透過Syok網站 https://cn.syok.my/special/tv-awards-presentation-2023 syok.my 或手機APP投票， 截止日期為1月10日(星期三)中午12時(馬來西亞時間)。
至於「大灣區最喜愛TVB劇集」、「大灣區最喜愛TVB男主角」、「大灣區最喜愛TVB女主角」、「大灣區最喜愛TVB綜藝及資訊節目」4個獎項亦已接受觀眾投票，觀眾可透過堆埋埋 APP或網頁投票，每個獎項最多可以投選3票，截止日期至1月7日(星期日)深夜12時。