由Patrick Sir林溥來帶領一班J2ers 何泳芍 伍韻婷 布樂文 主持，以推介好書為宗旨嘅J2長壽節目《開卷》，終於衝出香港。佢哋早前本住「讀萬卷書，不如行萬里路」精神；出發去台灣拍攝《開卷》台灣篇。不過因為佢哋帶咗大量好書到當地交流，所以未出發先超重，認真搞笑。
喺台灣篇首集，Patrick Sir帶三位J2ers到訪寓意「晴天就耕作，雨天用來讀書。」嘅「晴耕雨讀」書店，咁啱拍攝當日正係落雨天時，夠曬應景！但令Patrick Sir同Honey驚喜嘅係，店內有幾本推介書，竟然係佢哋喺節目介紹過，其中一本更係Honey送俾Fans嘅書，令Honey都話覺得書店同佢一樣好有taste！
節目其中一個環節，就係J2ers喺書店入面揾一本書嚟介紹，介紹得好Patrick Sir就會買畀佢哋，而Honey更係台灣之行最豐收嘅一位，雖然買左十幾本書，但大部分都唔需要自己畀錢。
而本集節目結尾，各主持會寄一封寫給「10天後自己」嘅信，10日後重回「晴耕雨讀」書店再拆閱對比心情。
《開卷》逢星期一晚23:00 J2