聖誕節唔少人選擇與家人一齊搞派對慶祝，好似陳凱琳（Grace）同劉嘉玲分別開咗兩個聖誕派對僅邀好友出席，陳凱琳一向愛熱鬧好有儀式感，一連兩天舉行派對，招待親友出席，「少婦聯盟」成員沈卓盈未有現身。
陳凱琳今日喺IG貼出分享派對照片，指細仔Carlos第一次過聖誕節，因忙於佈置同準備與親友嘅兩個派對，所以遲咗向大家送上節日祝福，陳凱琳派對只邀幾位朋友，至於第二個派對則大規模招呼廿人，閨密譚凱琪及龔嘉欣亦有出席，陳凱琳老公鄭嘉穎則非常低調。
另一個向來好客嘅劉嘉玲亦喺聖誕節舉行派對，邀請好友吳君如、陳可辛、上山詩鈉、王菲女兒竇靖童等，而梁朝偉有陪伴出席，劉嘉玲更甜蜜送上香吻。
此外，陳豪與陳茵媺上周帶仔女前往巴塞隆拿旅行，噚日陳茵媺喺IG貼出一家人嘅影片及合照，見仔女收到聖誕禮物非常開心，陳茵媺亦有祝大家保持愉快與健康。而張寶兒都好著重儀式感，為咗幫兒子「袁咕碌」著吳若希（Jinny姨姨）買嘅聖誕衫，張寶兒帶「袁咕碌」出街搵聖誕樹，聖誕唯一活動雖然兒子「袁咕碌」只係10分鐘散步。
