《肥媽李鼎》新一季即將再次同大家見面， 游嘉欣 呢日就為《肥媽李鼎打大佬》嘅趣劇環節試造型，其中一個仲係身材突出既「Double May」！但要變身升Cup女神絕對唔易，工作人員為咗令游游嘅身材有波濤洶湧嘅視覺效果，足足為佢人工潛建兩次，再要佢孭斜孭袋令造型更加搶眼。經過一日拍攝後，令游游條腰都痛埋呀！
呢次游游喺趣劇環節要一人分飾六個唔同造型同性格嘅角色，真係少啲演技都唔得，更令游游感覺自己似係去參加《好聲好戲》咁話。
肥媽李鼎打大佬｜游嘉欣變身升Cup女神 趣劇環節分飾六角考演技
