前亞姐黎淑賢上月輕生離世，佢同前夫盧惠光所生嘅兩個兒子盧俊諺及盧俊希早前亦現身公眾殮房，為媽媽後事奔波，雖然暫時尚未有黎淑賢喪禮的安排細節公布，但本來返港放假俊希要返英國續續學業。
今日（2號）盧惠光喺社交平台貼出喺機場和兩個兒子嘅合照，留言指:「細佬又要去奔波自己嘅學業！努力呀老友！以前就我同細佬送哥哥！而家我就同哥哥送細佬。」
黎淑賢生前對小朋友起居照顧非常著緊，喺大仔去咗英國留學時﹐佢都全程負責三個仔嘅起居飲食同課外活動，家陣大仔學有所成返港，二仔步哥哥腳步英國升學，相信俊希放低傷痛繼續學業，唔多唔少都係為咗完成媽媽嘅遺願。18歲嘅俊希近年暴風式成長，已經有爸爸同哥哥咁高大，佢仲遺傳咗爸爸嘅好身手，9歲時曾獲跆拳道全區冠軍。