45歲新加坡天后級歌手孫燕姿，入行多年形象健康，極少負面新聞，孫燕姿喺2011年與荷蘭籍印尼裔男友Nadim結婚，誕下一子一女，已甚少現身幕前。直至去年，孫燕姿早前先復出喺內地開騷，噚日孫燕美突然喺社交平台表示「我跟某某人從此不再是姐妹關係」，疑似與家姐孫燕姿割席。
孫燕美與孫燕姿相差6歲，孫燕美喺新加坡國立大學醫學碩士畢業，佢曾發文表達對成為名人家屬嘅不滿，即使食午餐都隨時被偷拍。孫燕美喺微博發文：「生日前一天只是想對認識我的人說幾句話。自從2019年跟某某人的關係已經很淡，過去三年試着某種方式與她溝通，我已經累了。」孫燕美又指喺陰影下活咗廿多年，過去不容易，而家只想得到釋放，「不是名人，但之前活的好像也不是私人的身份，我只想說我跟某某人從此不再是姐妹關係」，疑不滿經常受到歌迷騷擾。
雖然孫燕美發文並冇直接開名講家姐孫燕姿，不過佢有強調「不想捲進粉絲的討論」，只想平靜過生活，「前半生不容易，後半生請你允許我為自己的生活，有所個人權利定義自己」；孫燕美又指呢40來年如果佢以細妹身份做得有不妥，佢為此道歉並希望有日傷害佢嘅人能夠從中學習找到平靜，「誠心對理解我的人表示一萬個感激。祝福你們每個人在這一年真實地對待自己，也祝福生活圓滿、幸福」。
孫燕美並非首次表達個人不滿，佢曾發文指「我不是名人，但活得不像私人。這是巨星陰影的現象之一」，孫燕美透露曾喺日常生活遇到不必要嘅騷擾，譬如食午餐卻被人偷拍一舉一動，身處澳洲同新加坡亦試過遭受相同困擾，孫燕美只希望別人尊重佢嘅私隱。據知孫燕姿在家中排行第二，有一個比她年長三歲嘅姐姐孫燕佳，大姐曾係新加坡投資銀行副總裁。孫燕美係新加坡國立大學醫學碩士畢業，由於兩人外貌極似猶如餅印，就連周杰倫及鄭秀文等亦曾把佢哋兩姊妹認錯。
