仲有幾日《萬千星輝頒獎典禮2023》就首次移師澳門舉行，而各個獎項嘅候選十強早前已先後以精心打扮拍攝場刊，呢日飛躍進步男、女藝員同今年新設嘅最具潛質新人先後出現。
其中參與《香港人在北京》又齊齊入選「飛躍女」嘅傅嘉莉同戴祖儀演出為大家帶來唔少歡笑，Joey對攞獎更係信心十足，因為角色受唔受觀眾歡迎，所以認為有望一戰，而Kelly更係自備多條靚裙出席拍攝，其中一條更高達6位數字，劇中不惜打破形象演出嘅佢同時入圍最佳女配角同飛躍進步女藝員嘅佢，仲已經決定當晚嘅戰衣喇。
而首度獲飛躍提名嘅 陳楨怡呢日大騷美腿又露腰非常性感，而為增值原來佢一直苦練武術，期望向打女方向前進。至於喺《新聞女王》同高海寧成為CP嘅 林正峰 因為劇集於內地爆紅，仲會同幾位前輩競爭，佢就話對得獎與否抱平常心面對喇。
今年新增設嘅最具潛質新人獎，旨在鼓勵25歲以下嘅新晉同事，呢日After Class 三位成員就對入圍非常鼓舞又感動，Windy話要多謝Fans支持，而Chantel就話會繼續突破自己，Yumi就話會努力讀書面對公開考試先咁話喇。
至於同時係聲夢出身，更成為超星練習生嘅文佐匡同樣獲提名，佢仲話參加節目令自己成熟唔少呀，而黃星綽一樣話自己比之前更有自信。
第一次拍攝場刊嘅 區明妙 就有啲緊張喇，而馮皓揚就透露正拍攝《法證》新一輯，仲話有機會到日本拍攝外景呀。兩位靚女 陳懿德 同應屆港姐冠軍 莊子璇 亦盛裝現身。
