萬千星輝頒獎典禮｜官方公佈候選人特刊靚相各項入圍十強自信十足

萬千星輝頒獎典禮｜官方公佈候選人特刊靚相各項入圍十強自信十足

TVB年度壓軸盛事《萬千星輝頒獎典禮2023》星期日晚移師澳門上葡京綜合度假村隆重舉行，大會陸續發布各獎項以及「最具潛質新人」候選人嘅官方圖片，首先發布嘅分別係「最佳男主持」、「最佳女主持」、「飛躍進步男藝員」、「飛躍進步女藝員」十強同埋「最具潛質新人」21名入圍者。

以上五個組合當中，以「女飛躍」大合照最為吸引焦點，戴祖儀同傅嘉莉都以V領晚裝上陣兼鬥晒美腿，陳楨怡亦以低胸透視露腰裝現身。而入圍藝人數量最多嘅「最具潛質新人」，大會將21名入圍者分成三個組別，成功突圍而出有鍾柔美超特別嘅「鈕扣裙」，又有區明妙嘅Shocking Pink大蝴蝶裙。