偶像選秀節目《亞洲超星團》，今晚播出一集，係超星練習生嘅第2次舞台公演，超星導師 程瀟 仲打頭陣為演出拉開序幕。有「人間芭比」之稱嘅程瀟以黑色露腰背心上陣，大晒Fit爆蛇腰同驚人軟骨功，唔止完美示範一字馬，仲驚人將腿擘後放喺頭上，十足人體奧妙展！丁丁个大為驚嘆話：「我諗如果唔識程瀟嘅朋友，睇完呢隻舞之後一定會畀佢圈到粉，一定會愛上佢！」
今次嘅評分方式同第一次舞台公演一樣，10隊組合將輪流上台演出，今晚由Vocal組率先上場，先係有演出《你要的愛》嘅「秘密花園」隊 ，成員包括李逸、舒灝、寧浩然、陳梁、謝鑫同肖宇浩。跟住係演出《Renegades》嘅 「破境者」隊，成員包括艾煜坤、冼靖峰(Archie)、王東晨、林展爍、赫沐恩同路己。之後有演出《活著Viva》嘅「Asia Super Rock」隊，成員包括丁子朗、余宗遙(Dez)、區珀豪、黃昇大、文佐匡(Sean)同王坤。
之後Dance組亦分別出場，有演出《Super》嘅「西天取經」隊，成員包括李權哲、譚思源、艾克力亞、趙天翼、黃星綽、張勝希、大夢同光佑、然後係演出《Illusion》嘅「怪火的」隊，成員包括楊亦辰、龍之介、林士元、王顏宏、張鎬濂、黃鑫、楊傳卓同蔡鑫。
呢集最大睇頭係擁有4位香港代表嘅「Asia Super Rock」隊，年紀稍長嘅丁丁出場前為隊友加油鼓勵：「我們要能量滿滿，自己也很Enjoy，觀眾才會被我們感動到。」六子以型爆Rock 友造型亮相，身穿背心嘅丁丁仲大騷麒麟臂。
表演前丁丁賽仲話：「在第一次見面的時候，李權哲說我很像一個大叔，但是我希望通過這個青春搖滾的舞台，證明給他看，我變年輕了！」而正式演出時，六子又唱又跳焫着全場，被 Foul出Rap組嘅Sean呢日亦大晒Rap功，Dez仲會Solo彈結他搶鏡。
事後總製作人Rain仲大讚：「現在全世界Kpop都很紅，但是你們的這個舞台，我覺得可以稱之為Hong Kong-pop，H-pop！」Rain仲點名讚Dez：「你結他Solo時我覺得厲害，就像Rock Star一樣。」而程瀟就大讚丁丁：「子朗，很熱血很年輕！」
另一邊廂，Vocal組嘅「破境者」隊雲集一眾Vocal擔 當，六子甫出場就大晒靚聲A Cappella，唱功了得嘅Archie仲會同王東晨一齊大晒唱功飆高音，非常精彩。
《亞洲超星團》今晚 20:00 翡翠台
《亞洲超星團(加長版)》 myTV SUPER 節目後獨家上架