39歲鍾嘉欣（Linda）與脊醫老公Jeremy Leung結婚8年，育有兩女一子，鍾嘉欣婚後減產，長居加拿大照顧家庭，間中返港開工及探望朋友，早排佢留港過聖誕節，鍾嘉欣今日喺IG貼出泳照，原來佢帶埋屋企人去咗越南富國島度假。
鍾嘉欣再次上載火辣水着泳照，身穿吊帶低胸花花一件頭，大晒一雙白滑長腿，鍾嘉欣又陪大女Kelly、5歲兒子Jared及細女Anika一齊玩沙，合力把Jared埋在沙堆，眾人玩得開心。
鍾嘉欣當時指曬太陽補充維他命D，同時跟家人共聚時光都係佢最喜歡嘅事，鍾嘉欣亦有喺沙灘繪畫畫日落，又孭背囊踩單車，好有少女feel，之後又帶三名仔女去沙灘玩，而一向孝順嘅鍾嘉欣，日前同父母坐喺沙灘睇日落，更為父母影靚靚美照。
