由 馮盈盈 丁子朗 黃庭鋒 等主演嘅浪漫喜劇《妳不是她》啱啱大結局，真正嘅夏莉能否穿越返現實時空，就留畀觀眾去推敲喇。
結局尾聲一幕，夏莉駕駛跑車載住林信回憶相識經過非常感人，之後兩人再遇車禍，盈盈要飛身衝出檔風玻璃。拍攝呢場戲前，盈盈要喺錄幕吊威也營造效果，為咗表情、動作完美，盈盈都唔記得自己NG過幾多次。
而拍檔丁丁見到盈盈咁落力演出，都大讚對方連手指尾都有戲，聽到呢個讚美後，盈盈更封丁子朗為「丁丁老師」。
劇集中夏莉喺第一次車禍發生後好似已經變成另一個人，林信得知身邊女友並非真正夏莉時，即忍痛斬情絲，盈盈主動狂咀丁子朗挽留呢段情，可惜結果都係一樣。劇中盈盈對男友非常遷就，現實中嘅佢就話自己一拍拖時就會變得好軟弱，絕對超出劇中夏莉嘅性格，直頭小女人一樣。
