余宗遙DEZ同丁子朗等組成嘅6人小隊，喺《亞洲超星團》嘅第二次公演對戰舞台入面，迎嚟高難度挑戰。
呢次DEZ要喺短時間內改編謝霆鋒經典Rock歌《活著viva》，除咗唱跳外，仲要喺現場彈結他，期間DEZ仲瞓身跪地演出，相當投入。由於歌曲改編具難度、公演時間又緊迫度、加上隊友嘅配合度等，一系列問題對DEZ嚟講都係一大挑戰。
幸好DEZ最後都頂住壓力完成演出，導師蘇志威睇完演出後仲直言DEZ係「第二個謝霆鋒」，話喺佢身上睇到霆鋒嘅影子。畀導師咁讚，DEZ當然非常開心，仲幽默咁話開心到好似「屁股上面坐了火箭」。
早喺16歲時已經開始電子音樂創作嘅DEZ，當時用電子音樂製作咗《權利的遊戲》主題曲《Main Title》，而2018年，DEZ參加電子音樂製作人競演節目《即時電音》，音樂創作能力獲得導師們認可。
