關心妍呢次演唱會原定喺出道20周年時舉行，但受疫情影響延至22周年舉行。苦等兩年，歌迷熱情仍然不減，內地歌迷紛紛撲飛，更有香港歌迷組200人團捧場。演唱會開騷當日有哈爾濱歌迷南下捧場，到埗後先發現全場爆滿。
寵粉嘅關心妍為咗令粉絲如願，最後決定將囡囡張飛送出，為咗答謝大家嘅支持，關心妍亦帶新歌衫、新歌單登場，女兒更自薦做嘉賓，呢個母女同台嘅畫面珍貴又難得。加盟新唱片公司嘅關心妍，最近投入錄製新歌，加上女兒心心已升讀小學，關心妍終於有返me time，開始有啲時間做嘢，不過佢都同公司講好，要跟學校校曆表去安排工作。真係廿四孝媽咪啊！