80年代影星曹查理近年轉戰內地，現年73歲曹查理最近積極拍片放上網，跟上時代潮流，更罕談感情狀況親認已離婚，曹查理曾拍逾80部三級片，喺大銀幕上福不淺，由於其形象深植人心，當年要搵對象並唔易，曹查理喺40歲結婚，婚後十分愛錫老婆，不過佢多年嚟忙於工作，妻子長居加拿大，兩人長期分隔兩地，聚少離多，最終二人於2022年離婚，當時曹查理已72歲，離婚後佢並冇新對象。 
曹查理曾接受媒體訪問坦言離唔離婚都無所謂，婚姻關係已名存實亡，兩人長期分隔兩地，佢近日罕有回應感情問題，喺影片透露已離婚：「那個時候72歲，都要行入這個地步，有點可惜，我現在都沒有女朋友。」曹查理指大家性格不合，就係生活方式唔同，所以決定離婚，佢直言後生嗰陣見身邊朋友結婚，自己仍孤身一人，曾感到極度孤獨，曹查理當時有4個女友可以揀，最終佢決定同老婆結婚。
曹查理非常照顧太太，每年特地前往加拿大為太太慶祝生日，「我對她很好的，每年生日她要甚麼東西我都買給她」，佢亦努力工作賺錢，最終婚姻仍以離婚收場，曹查理續道：「最後這個結果就是零，甚麼都沒有。」雙方婚後未有仔女，而財產方面，曹查理提出將房產70%畀女方，而自己保留30%。