梁浩銓 同 曹敏寶 因為參與《中年好聲音》而成為好友，佢哋比賽時更曾於雙人合唱回合一齊合唱《從不喜歡孤單一個》而傳出緋聞， 梁浩銓 當時亦因當時自爆同家人關係欠佳而淚灑舞台，而後來家人現出身觀戰而冰釋前嫌。
有傳媒報道指，分別已婚嘅梁浩銓同曹敏寶疑似發展出婚外情，更指男方於右臂內側紋上代表女方英文名「MC」嘅愛的紋身。報道稱梁浩銓承認同已懷孕太太發生問題而暫時分居，而手上紋身就係代表囝囝同太太嘅英文名縮寫，同阿寶無關，而阿寶亦回應同對方只係朋友關係。
2018年同科學家老公結婚嘅阿寶被指牽涉婚外情，不過其實佢不時於網上大曬同老公仲有一對小朋友嘅幸福生活，而梁浩銼就被指已清空社交平台嘅生活照。
