中島美嘉為香港個唱落力綵排 周四抵港預估吸引粉絲接機

中島美嘉為香港個唱落力綵排  周四抵港預估吸引粉絲接機

日本歌姬中島美嘉嘅香港演唱會「MIKA NAKASHIMA CONCERT 2024 YOU IN HONG KONG」,將於本周六(2月3)起一連兩日喺亞洲博覽館開騷。對於呢個入行21年來首個香港演唱會,中島美嘉非常重視,連日來喺日本都緊密綵排,除咗練歌,對於造型美嘉都一絲不苟,而演唱會嘅歌衫亦都率先公開。

中島美嘉非常重視,連日來喺日本都緊密綵排。

中島美嘉上年來港宣傳演唱會時曾經被問到會否演唱廣東歌,佢就話擔心自己發音有問題,會嘗試學幾句廣東話,但就唔肯定會唔會唱廣東歌,而呢個答案過兩日就會揭曉啦!
中島美嘉為咗做好萬全準備將提早兩日來港,定於2月1日乘搭日本航空JL29於下午1時40抵港。相信到時應該有好多美嘉嘅粉絲會去接機,希望可以近距離一睹偶像風采。
中島美嘉為咗做好萬全準備將提早兩日來港,定於2月1日乘搭日本航空JL29於下午1時40抵港。

StarTalk丨日本歌姬中島美嘉自爆裸足錄音習慣 預告明年個唱必唱飲歌

StarTalk丨日本歌姬中島美嘉自爆裸足錄音習慣 預告明年個唱必唱飲歌

明年二月將會嚟香港開騷嘅日本歌姬中島美嘉,呢日接受王鎮泉《StarTalk》專訪,相隔五年第三次訪港嘅佢,次次嚟都來去匆匆,雖然無時間周圍遊覽,但係佢就大讚香港人工作認真,仲好親切添。

入行22年,中島美嘉首次喺香港開演唱會,歌迷當然好期待聽到佢嘅經典歌曲啦,佢就預告演唱會上有一首必唱嘅飲歌會唱畀歌迷聽。除咗歌手身份之外,中島美嘉都曾經拍過劇集同電影,講到自己鐘意邊個身份多啲,中島美嘉不加思索話自己都係享受做歌手多啲,之後仲自爆喺錄音嘅時候,仲有一個裸足錄音嘅小習慣。

熱門搜尋