SoulJase簽新公司籌備選秀比賽 望捧潛質新人盼年內C Allstar重聚

SoulJase簽新公司籌備選秀比賽 望捧潛質新人盼年內C Allstar重聚

C AllStar成員 何建曦 日前舉行迷你音樂會《SOULJASE 2024 Debut live》,吸引近百歌迷到場支持;SoulJase呢日獻唱多首歌曲之餘,仲向大家宣布已加盟新唱片公司。

SoulJase日前於迷你音樂會宣佈加入新公司嘅消息

佢有感以獨立歌手自資出歌,不如以往有公司支持,一切資金、宣傳均要自己出面「敲門」,不過亦坦言係非常珍貴嘅經驗。今次決定加盟新公司,亦係佢脫離C AllStar後首次以男歌手身份簽約,同時亦成為新公司首位簽約藝人。

雖然公司過往以歌曲製作為主,而SoulJase同公司主腦曾合作過多首歌曲,雙方彼此欣賞兼默契十足,故令SoulJase放心決定同行,告別單打獨鬥,佢話:「上年做歌嘅時候,覺得互相啟發到大家,撻返着大家啲火。」

佢仲指出將會籌辦選秀比賽,擔任監製力捧素人,

SoulJase又稱將挑戰新領域,有計劃監製招攬培育有潛質新人,佢話喺網上見到唔少才華洋溢嘅素人,憶起自己學生年代被發掘出道、再登上各大舞台、同專業音樂人切磋嘅經歷,自己亦希望有音樂天分嘅素人都擁有發光發亮嘅機會:「我好想呢班有Potential嘅音樂人,都感受到我感受到嘅嘢。」佢仲透露今年計劃舉辦一個為期半年嘅網上音樂選秀比賽。

又指出希望盡快可以同各位好兄弟再次合體

今次加盟新公司,SoulJase就笑言仍未告知C Allstar各位兄弟:「其實佢哋未知,我諗呢個報道出咗就會知。我未問佢哋意見,我都好期待,睇吓佢哋有咩感覺啦。」而唔少歌迷都非常期禹C AllStar再合體表演,SoulJase就坦言未有計劃,不過就抱樂觀態度:「絕對有機會,睇吓會唔會係今年啦。我都希望可以盡快出嚟,未必一定係做歌,做騷都好。我都期待新公司嚟緊多啲歌手,之後有機會,我可以以C AllStar身份帶佢哋出嚟,咁就Very Good啦。」

HOME即是識丨鄺潔楹大反擊不幸見紅 大王宋芝齡當眾打情罵俏

HOME即是識丨鄺潔楹大反擊不幸見紅 大王宋芝齡當眾打情罵俏

關於家居大小事嘅問答遊戲節目《HOME即是識》,喺14號晚播出嘅第二輪初賽,由藝人隊:大王 安德尊 同 宋芝齡、麥美恩Mayanne 同 鄺潔楹Judy擔任嘉賓;而素人隊則有:Joe同Fion、Sandy同Gladys、Samuel同Miss Chan 以及 Pen同Kazaf。
藝人隊有大王安德尊同宋芝齡、麥美恩同鄺潔楹。
主持森美指大王同宋芝齡為休閒資訊節目《流行都市》擔任長駐主持,成日會同各界專家交流,相信應該學咗唔少知識,不過大王就謙稱平日只係跟稿讀,令森美忍唔住窒爆佢:「同李錦聯對嘴嗰啲又寫畀你呀?」招架唔住嘅大王口窒窒咁話:「嗰啲......嗰啲......嗰啲......唔係常識嚟。」
大王同宋芝齡不停打情罵俏。
經過一輪激戰,大王同宋芝齡奪得 400 分,僅比 Mayanne 同 Judy 領先 100 分,而第一名則由素人隊 Samuel同Miss Chan 以 1000 分拔得頭籌。
Mayanne 同 Judy 領先 100 分。
而19號晚播出嘅一集,嘉賓唔只玩到有血光之災,歡喜冤家仲喺鏡頭前互「打」大耍花槍!第二條實驗題輪到 Mayanne 同 Judy、Joe同Fion 與 Samuel同Miss Chan 對戰,任代表出戰嘅 Mayanne「茅躉王」上身出茅招,阻止 Joe 哥檢查磚塊,佢哋嘅互動相當搞笑,最終由 Mayanne 隊估中三塊空心磚勝出,成功晉級與 Pen同Kazaf battle 第三條動作題。
茄汁攻擊下嘅Judy。
之後輪到「哈比女神」Judy做代表,自認「短小精幹」嘅佢對爭奪道具十分有信心,而作為男士嘅 Kazaf 並冇留手,一嚟就以敦厚身形撞開兼向 Judy 批踭,Judy 不甘示弱以「茄汁攻勢」嚟個大反擊,人仔細細嘅Judy雖然夠晒狠,但就不幸令手指受傷見紅。
見紅喇!
另一焦點,當然是緋聞情侶大王與宋芝齡當眾耍花槍!喺終極回合搶答題,大王表現雀躍狂撳鐘仔,仲推宋芝齡出來作答,兩人不時出手「打」對方,猶如歡喜冤家一樣。大王仲因為一個舉動,被森美指跟宋芝齡根本「天生一對」!

《HOME即是識》逢星期一至三晚 22:30 翡翠台 
Sandy(右)與Gladys。 Joe(左)同Fion。Pen(左)+Kazaf。Samuel(左)+Miss Chan。

熱門搜尋