呂珊相隔近七年再開騷 與「阿仔」陳山聰合唱顯默契

呂珊相隔近七年再開騷 與「阿仔」陳山聰合唱顯默契

呂珊 相隔近七年再喺香港舉行演唱會,好友米雪、關寶慧都有嚟捧場,呂珊更揾嚟識於微時嘅大師徐日勤擔任音樂總監,徐大師更將多首經典金曲重新編曲,好似《倚天屠龍記》、《萬水千山縱橫》、《誓要入刀山》等等,令觀眾有耳目一新嘅感覺啊。珊姐除咗請咗 龍貫天 擔任嘉賓之外,更請嚟視帝 陳山聰 一齊合唱《相愛很難》,而山聰更獨唱咗哥哥張國榮首《追》,山聰話珊姐之所以請佢做嘉賓,係因為佢哋喺新劇《奪命提示》入面演母子,所以阿媽開騷,阿仔當然二話不說要嚟撐場啦,山聰仲話佢哋兩個演出前其實無夾過,但台上表現就相當有默契呀。而隔咗咁耐再開騷,見番咁多嚟自世界各地嘅歌迷,珊姐都百般滋味在心頭呀。

  而山聰呢日亦有提及好友陳敏之早前喪母一事,山聰話知道呢個消息都好難過,亦有安慰敏之,佢話明白呢件事好難接受,但希望大家比啲空間敏之,亦希望敏之一切安好,早日走出喪母之痛。

李影離世|麗的四花旦聖誕共聚 米雪驚訝李影突仙遊

70年代由麗的電視出道嘅 李影 突於加拿大離世,享年70歲。早前先由香港過年返加嘅佢,據指日前曾跌倒,香港時間星期日朋友上門探望時發現情況不佳,報警經急救無效後離世。

李影 當年與 米雪 文雪兒 仲有 魏秋樺 屬麗的電視四大當家花旦,新興娛樂電視業剛起飛嘅劇烈競爭年代,迷倒唔少觀眾。米雪接受訪問時表示,去年聖誕四人先喺朋友活動相見,更一齊合照,重溫年輕時嘅美好片段又分享目前生活。

佢又指自己到訪加拿大亦必定會約好朋友見面,又會齊齊相約移居當地嘅藝人見面,亦會參與當地唔同活動,估唔到月前先言談甚歡,轉頭就會陰陽相隔,收到消息後非常震驚。

 相關推薦

熱門搜尋