謝安琪電影新作影展舉行首映 鄧月平擔心打戲遜色要求加操

謝安琪電影新作影展舉行首映 鄧月平擔心打戲遜色要求加操

謝安琪、鄧月平、陳毅燊ANSONBEAN、唐詩詠同陳煒等有份參演嘅黑色動作電影獲邀參展第19屆大阪亞洲電影節「Spotlight」及「Special Program Special Focus on Hong Kong」兩個單元 (「焦點單元」及「特別聚焦香港」單元),將於3月初喺大阪進行世界首映。
已經有一段時間冇拍戲嘅謝安琪,今次喺新片演一個特別嘅角色。
阿Kay直言心情非常興奮同驚喜,佢話:「已經有段長時間無參與電視同電影,所以呢部電影算係我重新投入拍攝嘅作品,整個團體合作融洽同開心,榮幸電影可以喺大阪亞洲電影節作世界首映,同時好期待跟觀眾見面。戲中合作嘅演員旦哥、煒哥、鄧月平、我嘅好友唐詩詠同ANSONBEAN,位位都係未合作過,對於我嚟講係個非常嶄新嘅陣容,大家又有喜感。另外就係我個人嘅演技教練白只,佢喺戲中飾演一個特別嘅角色,對於久未拍戲嘅我嚟講係的確相當開心。過程相當愉快,呢部一部黑色喜劇,當中一啲幽默比較淡然但又好笑,希望觀眾都能感受其中。」
劇照
對於電影獲邀參展成為焦點單元,鄧月平表示相當興奮:「好開心可以參加大阪亞洲電影節,《臥底的退隱生活》成為焦點單元。呢部電影極具香港特色情懷,又溫馨又有正能量,希望日本觀眾睇完會有想嚟香港旅行嘅衝動,同時希望有唔同國家嘅人留意呢部電影。今次有好多新演員參演包括我在內,都希望大家多多留意。」
戲中謝安琪飾演飾鄧月萍媽媽。
講到今次同以往拍戲嘅分別,鄧月萍表示:「打戲較多又要配合文戲,對於我嚟講都係新挑戰。所以喺拍攝前期做咗好多準備,比如練功夫,開拍前擔心自己做得不夠好,特別請求監製幫我加堂加操功夫,拍完後變成愛上咗功夫。此外最大嘅收穫當然係認識咗飾演我媽媽嘅謝安琪,大家合作得好開心,佢係感染力好強嘅演員,時常喺戲中都感受到佢非常緊張我。最後高子彬導演今次再『打』出香港實在可喜可賀。」
鄧月萍話拍完呢套戲鍾意咗功夫。
導演高子彬亦分享感受:「呢幾年拍港產片嘅數量唔多,開拍一部電影亦非常困難,能夠完成一套電影再參加影展係本人嘅榮幸,在此感謝大阪亞洲電影節,揀選了《臥底的退隱生活》參展,希望藉着這部電影能夠帶畀觀眾一些歡樂,多謝。」

袁偉豪、張寶兒為兒子舉行百日宴分享湊B心路歷程

袁偉豪、張寶兒為囝囝袁咕碌攪百日宴分享喜悅以外,兩位新手爸媽還分享這幾個月的湊B心路歷程。

參加百日宴不乏圈中好友如汪明荃、許紹雄、歐陽震華、陳山聰與兒子、姚子羚、黃翠如、陳自瑤、陳煒伉儷、陳展鵬伉儷等,眾人紛紛現身撐場到賀,可謂星光熠熠。

 相關推薦

熱門搜尋