2024風生水起｜何依婷工作為重暫無計劃生B 吳幸美盼增桃花運早日脫單

何依婷、吳幸美呢日作客由薛家燕主持嘅節目《2024風生水起》，向麥玲玲師傅請教新一年行運秘笈。成為新婚人妻嘅Regina幸福滿瀉，令仍然單身嘅幸美非常羨慕，所以呢次幸美都有把握機會問玲玲師傅拎脫單貼士。玲玲師傅就話，幸美應該要去遠嘅地方搵另一半，或者搵啲外國返港嘅目標。不過玲玲師傅仍指出幸美一直單身嘅最大問題係工作忙碌，所以幸美都話歡迎大家多多搵佢出去做嘢啊。

至於Regina就向師傅請教新年家居布置攻略，以前唔係好信玄學嘅Regina就大讚師傅講得好準，所以返到屋企都會認真跟住做。雖然依婷新婚冇耐，不過佢就唔急住造人，仍然要以事業為重，所以呢次都冇特別問師傅關於生B嘅問題。而Regina又話，玲玲師傅向佢贈言，佢嘅命格係要事業好，婚姻先會好。

回顧過去一年，Regina就好滿意自己表現，特別係將喺《新聞女王》所飾演嘅角色徐曉薇帶到觀眾眼前，所以佢都希望接落黎可以接到更多新作品；至於幸美，除左脫單，佢來年就好想賺多啲錢！