不正常愛情研究所｜Jojo曾任私影Model盡力滿足龍友 《仔仔》嘉賓爆親歷秘聞

《不正常愛情研究所》日前播出一集， 金永衡 伍倩彤 同3位J2ers 黃紫恩  胡敏芝 陳國麟 一齊研究吓「Model圈Secret」。

呢集話題貼近三級底線，節目一開始黃紫恩就自爆中學時期曾擔任私影模特兒，Jojo受訪時稱當時是經網上應徵入行︰「嗰時認為做私影模特兒好型，啲同學話去溫書，我就話要開工shooting，而且一個鐘有成500蚊，嗰時最低工資都係30、40蚊，覺得識賺錢好叻。」

Jojo公開當年任私影Model時嗁舊相

佢又透露部份影友會有特別要求，自己亦會盡量滿足︰「佢哋會預備啲制服，問我介唔介意換，但都會提醒我打好底，成班龍友好斯文好尊重我。」不過Jojo就話有一款服裝多多錢都唔會接︰「一定唔接泳衣私影，只會留畀男朋友影。」

不過佢就指出拒絕接拍泳衣照

呢集嘅「有故事的人」嘉賓係參加過真人騷《仔仔一堂》嘅 梁玉麟（Carson）。「斜槓族」Carson既係專業模特兒，同時亦係一位花藝師。佢亦揭開模界不為人知秘密，先自爆曾被有錢叔叔提出情色交易︰「嗰位叔叔喺酒吧識，之後有keep住出嚟飲酒。有次佢忽然話，想我陪佢出個business trip。」

身為Model嘅嘉賓Carson亦大爆業內有趣秘聞故事

有錢叔叔開出優厚條件，包括頭等機票同食住，一個月更有80萬零用錢，不過都被Carson拒絕。反而Doniven同Kim搞笑舉手，要求介紹應徵。Carson之後又爆模界經常有闊太飯局，有位搞手仲係非常有錢嘅名媛︰「好多男model以為去見監製，不過去到都sense到係乜嘢一回事。」

現場會擺設為一張長枱，每邊可以坐10多人，一邊坐男模而另一邊就係闊太們。酒醉飯飽之後，各人會被安排到另一處有多個房間嘅豪宅，一切盡在不言中，Carson話︰「我有位朋友第二朝瞓醒， 床頭放咗隻名錶。」

佢又提到模界「識個有錢人」笑料，有6名男女朋友模特兒，夾錢租住半山2千呎豪宅，目的係接近有錢人，最後有人成功認咗樓上一位住客做「契爺」代付屋租。

此外， Kim就認識一位俄羅斯靚女模特兒，佢只喜歡韓國男仔令在座各人非常不解，Kim神秘咁解釋︰「佢話俄羅斯男仔size太大，韓國男仔啱啱好。」不過一講說完各主持就對身為中韓混血嘅Kim投以奇怪目光，Kim亦會意話︰「唔好望住我呀，我一半韓國人嚟咋。我親身經歷，韓國人其實唔細嘅。」