SJ圭賢自責高雄演出犯錯 坦言無膽參賽戀愛真人騷

韓團SUPER JUNIOR日前去到高雄舉行兩場騷，圭賢喺完騷後就舉行個人演唱會宣傳個人專輯，講起兩場高雄騷，佢都有主動提起自己喺頭場時嘅失誤，佢話今次開騷十分係滿分嘅話，會畀自己九分，佢解釋扣一分嘅原因係佢喺開場時犯咗好大嘅失誤，除咗呢個問題，其他表現都好好。佢又提到今次比其他團員更早嚟到台灣，今次係佢第二次到台灣，所以就抽咗時間去台北同高雄旅行，去咗好多想去嘅餐廳同地方，佢話未來都希望有機會再到台灣旅行。

舊年八月，圭賢嘅個人合約簽咗畀新嘅經埋人公司，成為劉在錫同李孝利嘅師弟，粉絲發現佢加盟新公司之後行程同活動比以前更豐富，不過圭賢就喺記招度提到，新公司嘅海外活動經驗唔多，佢希望加盟後令公司喺海外活動旺盛起嚟。早前佢參與咗三季嘅戀愛真人騷大受歡迎，被問到會唔會有勇氣去作為參加者求愛，佢話自己年紀有啲大，又冇信心喺節目中除衫。