唐鶴德64歲生日 分享與哥哥有故事的合照

唐鶴德64歲生日 分享與哥哥有故事的合照


每逢過時過節,唐唐 唐鶴德 都會喺社交平台同大家分享一張佢同哥哥張國榮嘅合照以表思念。

2月5號係唐唐 64 歲生日,呢日唐唐依舊喺社交平台分享一張佢同哥哥嘅合照,相入面哥哥搭住唐唐嘅膊頭,一齊企喺一個插滿蠟燭嘅蛋糕前笑住合照。唐唐喺帖文入面寫道:「謝謝大家的祝福 分享一張有故事的生日照🎂」唔少網民都紛紛留言祝唐唐生日快樂,同時亦好奇照片背後嘅故事係咩。

唐唐生日如舊喺社交平台分享佢同哥哥嘅合照。

崔宇植首演神秘殺手感有挑戰性 孫錫久被爆對鬍子造型甚執著

韓國男星崔宇植、孫錫久同李熙俊呢日出席新劇發布會。新劇根據網漫改編,講述由崔宇植飾演嘅普通大學生,擁有特殊能力,繼而開始殺人嘅故事。

首次演呢類角色嘅崔宇植,就話要演繹出普通人變成神秘殺手嘅心路歷程,都唔係咁容易,因為感受太兩極化,所以佢喺揣摩上都要更專注。至於孫錫久同李熙俊就係飾演刑警,為咗更貼近原作造型,佢地兩個都要為角色變妝,單係黏鬍鬚已經要兩個鐘,李熙俊仲爆孫鍚久每次都會好仔細檢查鬍鬚,孫鍚久本人都唔否認,仲話自己喺呢方面的確係幾執着呀。

 相關推薦

熱門搜尋