外形亮麗又有高佻身材嘅 文凱玲 近日參演劇集《狀王之王》以扮演倚春閣嘅老闆娘葉三娘一角。港大畢業嘅Connie 2010年參選香港小姐殺入8強，後來先後接拍《喜愛夜蒲》系列電影，以冷豔性感演出而為人知。
早前嘅《一舞傾城》Connie 已經同姚子羚拍檔演出，而佢喺《狀王》當中仲情傾 Elaine 嘅一段情亦令人覺得佢一往情深。不過現實中嘅Connie就唔使咁慘情喇，因為佢同加拿大長大嘅男友Jason拍拖已經一段時間，仲喺疫情前已經接受對方求婚。
近日過大禮之儀式正式舉行，雖然Jason於外國長大，不過佢就堅持要為未婚妻嘅過大禮儀式跟足傳統，囍餅金器芯膠扒應有盡有，加埋其他禮物足足擺滿八個大禮籃，認真架勢。
