原裝英文版音樂劇《MAMMA MIA!》 將於7月重臨香港演出

相隔5年，風靡全球嘅音樂劇《MAMMA MIA!》，原裝英文版音樂劇將於7月載譽來港公演。今年正值《MAMMA MIA!》倫敦西區上演25周年。由5月起展開中國巡迴演出，當中包括上海、杭州、北京、南京、珠海、深圳等，而香港站將會係呢次中國巡迴嘅最後一站。
《Mamma Mia》相隔5年再次來港演出。
主辦單位表示早前英文原版《MAMMA MIA!》音樂劇香港站嘅預告消息公開後，外界反應熱烈，接獲許多查詢。而今次演出嘅音樂劇班底，全部嚟自英國嘅優秀團隊，佢哋將會為觀眾帶嚟《Dancing Queen》、《Super Trouper》及《Money, Money, Money》等膾炙人口嘅經典金曲。
《Mamma Mia》劇照。
《MAMMA MIA!》英文原版音樂劇會於2024年7月26日至28日、7月30日至8月4日、8月6日至11日、8月13日至15日，合共24場，假香港演藝學院歌劇院演出。