2024風生水起丨吳若希向麥玲玲問姻緣運 笑言要搵真命天子

吳若希同老公嘅獨特相處方法，加上又有兩個可愛嘅小朋友，婚姻生活令人羨慕，但係佢呢日作客《2024風生水起》，竟然話要請教麥玲玲師傅姻緣運，笑言想睇下自己幾時可以遇到佢嘅真命天子，同晚亦要睇下老公有冇「沙沙滾」。吳若希指先撇除迷信，好多時好多嘢都需要師傅贈兩句，因為咁樣可以避免好多嘢。

去年喺劇集《香港人在北京》表現出色，更入埋視后五強，演技被受肯定嘅吳若希，好快又投入新劇《奔跑吧！勇敢的女人們》拍攝，令到以往農曆年會請假返鄉下嘅佢，今年就要留港開工。吳若希指兩個小朋友暫時對農曆新年仲未有概念，佢哋只係覺得會成大班人聚埋一齊食飯，同埋被迫講賀年說話，吳若希又笑言因為銀包縮水，所以希望兩個寶貝可以𢭃返過去兩年冇𢭃到嘅利是嚟進貢畀佢呀！