2024風生水起丨吳若希向麥玲玲問姻緣運 笑言要搵真命天子

2024風生水起丨吳若希向麥玲玲問姻緣運 笑言要搵真命天子

吳若希同老公嘅獨特相處方法,加上又有兩個可愛嘅小朋友,婚姻生活令人羨慕,但係佢呢日作客《2024風生水起》,竟然話要請教麥玲玲師傅姻緣運,笑言想睇下自己幾時可以遇到佢嘅真命天子,同晚亦要睇下老公有冇「沙沙滾」。吳若希指先撇除迷信,好多時好多嘢都需要師傅贈兩句,因為咁樣可以避免好多嘢。

去年喺劇集《香港人在北京》表現出色,更入埋視后五強,演技被受肯定嘅吳若希,好快又投入新劇《奔跑吧!勇敢的女人們》拍攝,令到以往農曆年會請假返鄉下嘅佢,今年就要留港開工。吳若希指兩個小朋友暫時對農曆新年仲未有概念,佢哋只係覺得會成大班人聚埋一齊食飯,同埋被迫講賀年說話,吳若希又笑言因為銀包縮水,所以希望兩個寶貝可以𢭃返過去兩年冇𢭃到嘅利是嚟進貢畀佢呀!

陳豪「墜機」歌喉特訓後突飛猛進 丁子朗《超星團》被淘汰成團機會不大

陳豪、丁子朗、樂基兒及麥玲玲等呢日現身一個代言活動,陳豪去年登台挑戰唱《歲月如歌》狂走音,更被網民嘲唱到「墜機」咁,陳豪最近去新加坡商演再次唱呢首歌,事隔5個月,陳豪一展歌喉,歌藝突飛猛進,原來陳豪私下接受特訓一雪前恥。

陳豪笑指今次登台獻唱有一個任務就係唔能夠畀「飛機再跌落嚟」,佢喺登台前有喺屋企練吓聲,又指而家膽粗粗練多幾首歌;丁丁自從參加選秀節目《亞洲超星團》化身偶像喺舞台嘅一面,因排名喺30名之外,丁丁已被淘汰,成團機會不大,佢坦言參加選秀節目真係大開眼界。

同場嘅樂基兒打扮得明艷照人,樂基兒近排長居印尼照顧小朋友,最近有帶兒子返港過年,阿仔開心收咗好多利是,而樂基兒就開心返嚟食到好食嘅中餐大飽口福。

 相關推薦

熱門搜尋