譚凱琪新一年拗柴扭傷腳 求助女兒Baby G借車代步

譚凱琪日前著到靚一靚周圍去，點知2月6號晚，佢就喺社交平台分別咗一條短片，寫上「2024年的新造型」，片中先係影住微笑嘅Zoie同鏡頭揮手，點知一影全身，就見佢對手撐住拐杖，右腳仲戴住腳箍。接住就係佢去診所接受治療同喺屋企坐喺車仔滑動嘅影片。

Zoie早前不小心拗柴受傷。

為免大家擔心，Zoie有寫上原因「因為自己唔小心拗柴，所以呢排都會用呢個look嚟示人，搵咗好耐鞋先襯到呢隻boot。」佢仲喺hashtag度話醫生提佢唔好行咁多，好彩女兒Baby G肯借部車畀佢，仲讚自己有先見之明送部車畀囡囡，先有得自己借嚟用，最後為自己打氣「少少苦楚等於激勵」，Zoie唔少好友同粉絲紛紛留言祝佢早日康復！
譚凱琪話醫生提佢唔好行咁多，好彩女兒Baby G肯借部車畀佢。唔少好友同粉絲紛紛留言祝佢早日康復！