狀王之王| 姚子羚極致麻甩超搶戲 王浩信再扮女人演技高層次

狀王之王| 姚子羚極致麻甩超搶戲 王浩信再扮女人演技高層次

喜劇《狀王之王》每集笑位不絕,喺最新播出嘅一集,玲瓏(姚子羚飾)為求綁住宋世傑(王浩信飾)而跪求催生秘方,點知男女補藥被調亂,令夫妻二人齊齊變「性」兼周身痕。世傑變得前所未有地女性化,而玲瓏再度生鬚兼變得極度粗魯麻甩,非常搞笑。
偶包呢?子羚嘅偶包呢?
呢次雖然Viincent第二次喺劇中扮女人,有別於上次為查案而混入妓院嘅劇中戲,今次就係因為飲錯藥而荷爾蒙失調,所以Viincent喺演繹上而增添層次,喺語氣同神態變得相當溫柔,就連笑容及手勢都變得嬌滴滴。喺其中一幕自告奮勇向玲瓏學功夫嘅場面,世傑表現到同情竇初開嘅小妹妹一樣,真係將女性化一面揣摩得唯肖唯妙!Viincent嘅演技大爆發亦令網民好受落,留言大讚:「正到想睇王浩信翻拍《先生貴性》做羅嘉良角色」、「宋世傑把女仔聲,王浩信真係做得十分神似,真嘅女人都冇依啲咁溫柔嘅聲」。
 王浩信扮女人得到網民大讚。
而子羚嘅「零包袱」演繹亦令人留下同樣令觀眾眼神為之一亮!唔只以大刀刮鬚同埋幫世傑𢱑心口場面夠晒麻甩,玲瓏大晒「猥瑣三連環」企圖「污辱」世傑一幕亦相當瘋狂,完完全全係徹底豁曬出去!連子羚都話自己好鍾意呢個變「性」玲瓏,因為同一時間宋世傑變咗好女人,個對比好好笑子羚又話,因為喺劇中同Viincent、金剛、王子涵成日合作查案,大家相處好似家人咁,成日都好多笑料。金剛仲係搞到大家經常「焗蟹」嘅最大兇手添!
 王浩信反串令觀眾眼前一亮。
不過大家唔好以為世傑同玲瓏終於可以修成正果,因為喺今晚嘅劇情將會峰迴路轉!對世傑一條心嘅玲瓏,竟背夫幽會神秘人,全程表現得心花怒放笑靨如花,令世傑大感不妙!世傑為試探玲瓏忠誠度更花招百出,玩完跟蹤再玩催眠。而「滅門縱火案」亦有驚人進展,除咗楊柳(海俊傑飾)被燒死嘅家人屍體離奇失蹤,坊間更流傳關於縱火案嫌疑犯櫻桃(莊思敏飾)大量傳聞,令世傑等人著手調查時更見困難。究竟事態如何,大家就要記得追劇喇!
 
《狀王之王》星期一至五  21:30 翡翠台

莊思敏飾演縱火案嫌疑犯櫻桃。

狀王之王|小鳳慘遭英國使節辣手摧花 姚子羚一鏡到底晒層次式喊功

由張達明監製、林子聰任總導演的《狀王之王》,周一(19日)一集劇情講到阿九(金剛飾)向小鳳(王子涵飾)表白成功,惟兩人確立關係後,小鳳卻遭逢不幸,外出買夜宵期間慘遭迷暈兼被強暴,眼見心愛的女人慘遭辣手摧花,阿九失控爆喊!另邊廂,宋世傑(王浩信飾)獲邀出任英國使節阿德里安(迪瑪飾)名譽侵損案訟師,小鳳憑着紋身認出該名英國使節正是強暴她的男子!由於案件牽涉到國家層面,世傑有感接不接相關官司均是死路一條,陷入兩難的他最終決定休了玲瓏(姚子羚飾)……

其中一幕講到玲瓏獲悉強暴小鳳的真兇是英國使節時,即時激動爆喊說:「我要殺咗佢!」知道事關重大的世傑即跳出來勸她冷靜,怎料情緒失控的玲瓏狠狠地將他推向門;之後喝醉的世傑對著玲瓏大拋狠話兼嚷著要離婚:「我上一世唔知做錯啲咩,要娶着個咁蠢嘅老婆,我頂唔順喇,唔想再頂!」玲瓏聽罷先是忍淚怒摑宋世傑,之後再嚎啕大哭,大晒層次式喊功,演出相當搶戲。

 相關推薦

熱門搜尋