炎明熹4月九展再開騷宣布補場兼加場 認頭痛請嘉賓籲粉絲提供意見

炎明熹4月九展再開騷宣布補場兼加場 認頭痛請嘉賓籲粉絲提供意見

炎明熹(Gigi)原定去年10月8日舉行《炎明熹Gi-FORCE演唱會》尾場,因受颱風影響而臨時取消,主辦單位今日公布有關補場安排,同時宣布Gigi將於4月13、14號,再次喺九龍灣國際展貿中心匯星,舉行兩場演唱會。

炎明熹將再次喺九龍灣國際展貿中心匯星,舉行兩場演唱會。

雖然去年未能順利完成兩場演唱會,但Gigi講過相信呢個上天畀佢最好嘅安排,令佢有更充裕嘅時間,好好裝備自己,將更好嘅演出呈現給觀眾,Gigi認為:「唔係話專登講啲說話安慰自己,的確係可以再做好啲,所以今次再開,雖然演唱會主題冇變,但歌單、衫、編排上,同上次有少少唔同,我同演唱會團隊所有人都希望可以再做好啲。」主辦單位現安排4月14號為補場場次,同時加開4月13號一場,門票喺2月26號公開發售。換言之,連同去年10月7號已舉行嘅頭場,Gigi今次《炎明熹Gi-FORCE演唱會》,一共會舉行三場。

主辦單位現安排4月14號為補場場次,同時加開4月13號一場,門票喺2月26號公開發售。

Gigi多謝公司對自己嘅信任:「聽到呢個消息,內心好興奮,同時亦有壓力,完成埋手頭上傾好嘅工作,我就會開始閉關,做運動、練歌,同埋而家最頭痛係請邊個做嘉賓,如果大家有好嘅提議,可以去我社交網站留言話我知。」有關補場安排所有持有2023年10月8號完整門票(連同票根)嘅觀眾,可以憑票於2024月4月14號直接進場欣賞補場,觀眾可按原有座位觀看,毋須更換門票。 所有經由快達票購買門票嘅觀眾,如未能出席4月14號補場場次,可選擇更換2024年4月13號場次,或申請退款。 

Gigi多謝公司對自己嘅信任,內心好興奮,同時亦有壓力。

而打算換票嘅觀眾,主辦單位會喺2024年2月9號至2月22號期間,於官方網頁提供連結,觀眾填妥換票表格後,主辦單位會透過WhatsApp(60297778)發出確認短訊,客戶可於2024年2月19號至3月15號期間,於辦公時間內攜同完整門票(連同票根),到「九龍灣國際展貿中心」售票處辦理換票手續。 

Gigi坦言而家最頭痛係請邊個做嘉賓,如果大家有好提議,可以去佢社交網站留言。

經快達票使用信用卡付款而打算申請退款嘅觀眾,填妥申請退票手續表格後,可在2024年2月19號至3月15號期間,於辦公時間內攜同完整門票(連同票根),到「快達票辦事處」辦理退票手續,門票金額於收妥退款申請後45個工作天內,全數退回用以購票嘅信用卡內;至於以現金購買門票嘅觀眾,填妥退款申請表後,門票金額將以現金即時發還,申請人需即時核對及簽收確認。
Gigi今次《炎明熹Gi-FORCE演唱會》,一共會舉行三場。

炎明熹鍾情爬蟲類養蜥蜴貼「愛寵」真身! 曾試過玩曱甴養蝴蝶 開心把玩麥皮蟲

炎明熹(Gigi)一向鍾情爬蟲類,去年先後獲「Gi炎粉」送上貼心禮物,就係麥皮蟲同蝴蝶蛹,更努力飼養同餵食,噚日Gigi透露已養寵物,仲話今日揭曉,一眾Gi炎粉相當好奇係乜,Gigi今日喺IG終於貼出「愛寵」真身,原來Gigi養咗兩隻蜥蜴!

Gigi今日喺IG終於貼出「寵愛」真身,原來Gigi養咗兩隻蜥蜴!

有人喜歡蜘蛛,亦有人鍾意蜥蜴、獨角仙等,Gigi揀咗養蜥蜴,加上Gigi咁有愛心,相信做Gigi嘅寵物蜥蜴必定好幸福;被稱為「大膽Gi」嘅Gigi一啲都唔怕昆蟲,佢對麥皮蟲情有獨鍾,去年「Gi炎粉」活動上,更獲粉絲們送上一大盒麥皮蟲,Gigi急不及待把麥皮蟲放喺手上把玩。
去年「Gi炎粉」活動上,更獲粉絲們送上一大盒麥皮蟲。

「大膽Gi」早前曾開直播跟粉絲講自己養過兩條蝴蝶「小狐」同「小聶」,由幼蟲到蛹再變成蝴蝶,Gigi都一直細心觀察同照顧,更試過喺直播展示掛喺樹枝上嘅蛹殼,Gigi更曾自爆試過玩過曱甴,果然非常有愛心。
Gigi曾開直播跟粉絲講自己養過兩條蝴蝶「小狐」同「小聶」,由幼蟲到蛹再變成蝴蝶。

 相關推薦

熱門搜尋