臨時劫案丨郭富城宣傳賀歲新作 夥家棟小齊借竹戰喻際遇

郭富城、林家棟、任賢齊同張可頤領銜主演嘅賀歲片上映，三位男主角喺戲中諗盡辦法，解脫經濟困境，主動、被迫、半推半就成為劫案悍匪，就係受男人之苦所困惑，有錢可以解決大部份問題，而最大問題就係冇錢。講緊就係今年賀歲片《臨時劫案》！
城城、家棟及小齊趁農曆新年，開枱打麻雀發新年財，一齊食大茶飯。

城城、家棟及小齊趁農曆新年，開枱打麻雀發新年財，一齊食大茶飯。難得落場竹戰，佢哋代入戲中角色，城城飾演嘅梅藍天雖然勇猛，但要迎難而上，面對逆境牌，依然保持禮貌，城城話：「既然對家自摸，梗係要畀錢你啦﹗講多謝﹗」家棟飾演嘅笠水，章章被誅難怪冇心機，家棟話：「我冇錢喎﹗打牌嚟玩吓咋，唔係咩叫『衛生麻雀』，衛生係唔使錢喎。」
贈電影《臨時劫案》魚蝦蟹套裝，實行逼人富貴，而姜大衛、姜卓文及曾比特亦率先試玩，John哥做莊，姜卓文、曾比特重注買爆莊家，率先發個新年財。

小齊飾演嘅冇用輝，唔識打麻雀，兼且鋪鋪遇上冇用牌，小齊就話：「我點解好人做唔好，壞人做唔到，打牌都糊唔到。」佢哋本住萬事唔放棄嘅精神，最終一齊極地翻身、一齊食奇牌嚟個大逆轉，由冇啖好食，最終成為大贏家食大茶飯，一齊豪食盤菜迎接新年。