元祖主播新春Gathering｜ENews老鬼聚會賀老友得獎 緋聞賤嘴乜都講

TVB娛樂新聞台 2006年啟播，多年來唔少藝人都曾經係我哋嘅一份子，而早前喺《萬千星輝頒獎典禮2023》分別獲得最佳男、女主持嘅 周奕瑋 麥美恩 加上不時喺唔同音樂節目擔任主持 嘅 許文軒 ，仲有唔同娛樂新聞現場都有佢身影嘅 潘盈慧 ，就齊齊都係ENews成長嘅老友，呢日佢哋就趁住新春齊齊聚會，祝賀Jarvis同Mayanne更上一層樓喇。

相識多年，呢日就梗係嘈到拆天喇，難得公司請食飯，一班老鬼就梗係講「舊時」啦，而Edmond同Mayanne嘅陳年緋聞，原來就係因為失戀而成，Mayanne仲狠批Edmond比自己更女人。

身為老友最鍾意就係互相傷害，無論大家嘅感情生活，而邊個私下又係最Mean嘅一位？呢集就統統拎晒出嚟講，趁大年初三應個赤口嘈返夠本喇。