86歲鍾景輝大腸癌康復息影多年 精神奕奕派利是予愛徒

86歲鍾景輝大腸癌康復息影多年 精神奕奕派利是予愛徒

鍾景輝(King Sir)自2016年患大腸癌做手術,拍完TVB劇集《牛下女高音》便淡出幕前,梁祖堯日前喺社交平台貼出合照,佢跟湯駿業、劉錫賢、傅月美(May姐)及邵美君等,於年初二約埋去King Sir屋企團拜,一行人熱熱鬧鬧過新年。

梁祖堯年初二約埋去King Sir屋企團拜。一行人熱熱鬧鬧過新年!

King Sir同May姐係退休演藝導師,桃李滿門,梁祖堯亦好耐冇見King Sir,而May姐傅月美就係佢讀演藝一年級嘅Acting老師,而King Sir就係May姐嘅老師;見86歲King Sir雖然一頭銀髮,以拐杖輔助走路,面色紅潤,精神奕奕,笑盈盈派利是畀學生們拜年。不少網民見到King Sir近照都好開心,紛紛表示見到佢老人家真好。
不少網民見到King Sir近照都好開心,紛紛表示見到佢老人家真好。

胡杏兒教三子搓湯圓一團和氣 譚俊彥馬國明各晒賀年全家福

中國人重視農曆新年,係一家人開心團聚嘅日子,不少藝人喺網上貼出全家福,包括林子祥、洪永城、袁偉豪、譚俊彥等,袁偉豪就貼出愛妻張寶兒同阿仔「袁咕碌」嘅合照,祝大家新年快樂,而一向孝順嘅譚俊彥(Shaun)就貼出三代同堂嘅賀年全家福,見狄龍精神奕奕,攬住寶貝孫仔,而新婚嘅馬國明同湯洛雯已準備派雙封利是。

新婚嘅馬國明同湯洛雯已準備派雙封利是。

林子祥祝大家最緊要身體健康。洪永城亦有貼全家福!
譚俊彥貼出三代同堂嘅賀年全家福。袁偉豪就貼出愛妻張寶兒同阿仔「袁咕碌」嘅合照。

視后胡杏兒就先幫阿仔準備咗中式唐裝,二仔李奕霖(Ryan)及細仔李奕宏(Liam)著同款螢光粉紅色衫,大兒子李奕霆(Brendan)身穿黃色中式唐裝外套,非常有型!由於杏兒老公李乘德係圍村客家人,李乘德亦有帶大仔跟隨新年習俗,回圍村拜神拜祠堂。
視后胡杏兒為阿仔準備咗中式唐裝。李乘德亦有帶大仔跟隨新年習俗,回圍村拜神拜祠堂。

杏兒就喺年三十晚,教三個阿仔整湯圓,任由Ryan發揮創意,而Brendan同Liam都有乖乖跟住搓湯圓,一家人食湯圓,象徵着一家團圓!
杏兒就喺年三十晚,教三個阿仔整湯圓,任由Ryan發揮創意。

 相關推薦

熱門搜尋