新春賽馬日家燕姐笑修哥緋聞被反擊 坤哥日籍太太入鄉隨俗學寫揮春

新春賽馬日家燕姐笑修哥緋聞被反擊 坤哥日籍太太入鄉隨俗學寫揮春

新年見到 胡楓 扮嘅財神就夠晒開心,加埋笑面盈盈嘅 薛家燕 就加倍高興喇。大年初三舉行嘅新春賽馬日 修哥、家燕姐 仲有 吳業坤 同 周吉佩 就一齊現身馬場,為大家帶來喜氣洋洋嘅歌曲同好意頭喇。

一向運氣好嘅家燕姐同修哥一齊現身,點知鬼鬼馬馬做埋嫲嫲嘅家燕姐竟然夠膽攞修哥同羅蘭姐嘅緋聞嚟開玩笑,點知道行超高嘅修哥一個四一月両撥千斤,唔止話年屆90仲有人同自己傳緋聞值得高興,仲反擊家燕姐桃花旺,搞到家燕姐都唔知點答,仲直接問埋千金 石佑珊 同唔同意呀。

而吉吉自參加《中年好聲音》之後事業大旺,到龍年仲已經滿腹大計,希望年內可以開個唱呀。至於坤哥就話今年被媽媽同太太瘋狂餵食,日籍太太更加學寫揮春入鄉隨俗,書法仲寫得非常唔錯呀。

呢日《中聲2》嘅 安雅希 顏米羔 同 劉可 亦都有為一班馬迷演出,吸引大批朋友圍觀呀。

TVB賽馬日|逾40位藝人港姐參與盛事 新春同聚馬場星光熠熠

TVB賽馬日大年初九喺沙田馬場舉行,行政主席許濤 同兩位總經理 曾志偉 、 蕭世和 同各位管理習 加上 香港賽馬會 嘅高層,與及一直同TVB合作無間嘅慈善機構代表一齊出席。而呢日近40位藝人同應屆港姐亦都令現場星光熠熠,新春喜慶吉祥代表 胡楓 亦再度化身財神向現場嘉賓大派利是送上祝福。

張振朗 同 高海寧 趁住新春同一班同事一齊出席就話非常高興熱鬧,而身為一家之主嘅 羅子溢 仲趁機向佢哋催婚呀。

呢日貼身旗袍現身嘅 蔡思貝 雖然指自己新年冇停過口,不過照睇就完全冇影響身材喇。而 劉穎鏇 丁子朗 郭柏姸 何廣沛 同 馬貫東 就趁新春假期休息好好充電喇,至於 周吉佩 黃子恒 同 刑慧敏 新年就各有各忙,新年過得非常充實呀。

姚子羚 同 朱晨麗 兩位靚女呢日都以非常喜氣嘅角色出現,佢哋仲話呢日𢭃到唔少利是呀。呢日《中年好聲音2》嘅幾位唱將亦都現身為賓客表演,其中 黃劍文 自彈自唱,加上 顏米羔 古淖文 林若盈 陳蒨葶 同 安雅希 嘅演出,就令現場氣氛生色不少喇。

近年於深圳發展港式小食生意嘅 張景淳 羅天宇 同 李興華 呢日亦應邀到現場露兩手,為TVB嘅愛心基金籌款義賣,非常有意義呀。

 相關推薦

熱門搜尋