莊思敏被吳若希貼新春團拜合照洩密新戀情 新歡曝光曾同遊曼谷留親密足跡

吳若希（Jinny）與莊思敏因主持《姊妹淘》成為好友，適逢農曆新年，一班好友一齊新春團拜，吳若希噚日擺咗一張合照上網，疑似不小心洩密，莊思敏與一位男士喺合照時靠得埋，同場仲有蔡嘉欣、王子涵、設計師姚子裕（Kev Yiu）及任朗呈等，眾人似到莊思敏豪宅拜年。

吳若希噚日擺咗一張合照上網，疑似不小心洩密。

43歲莊思敏一身新年造型打扮，坐喺前排抱住吳若希細仔「博啜」，疑甜蜜依偎紅衫男，而吳若希亦未有Tag該名紅衫男，未知係咪幫好友守護戀情，不過莊思敏與新歡卻留下不少「親密足跡」。

莊思敏與新歡「紅衫男」疑一齊為細妹莊思明慶祝生日。

細妹莊思明今日喺社交平台貼出家姐莊思敏及好友為其慶祝生日嘅合照，當中見到疑似「紅衫男」現身，莊思明刻意用公仔圖案遮住該男子嘅樣，雖然見唔到樣，但係該男子當日又係企喺莊思敏身旁，同樣係極短齊蔭短髮；早喺上年12月，就見莊思敏同呢位「紅衫男」疑同遊曼谷，睇嚟呢段新戀情發展幾穩定。

早喺上年12月，就見莊思敏同呢位「紅衫男」疑同遊曼谷。

莊思敏家族估計坐擁8億身家，佢於2020年與拍拖唔夠半年嘅楊秉逸結婚，二人因疫情期間聚少離多，婚姻僅維持兩年，回復單身嘅莊思敏，早前喺內地公開徵婚，原來佢已有新戀情！
莊思敏與楊秉逸婚姻僅維持兩年。