楊潮凱宣布再做爸爸 指大女Catharine夢想成真榮升家姐

近年演而優則導嘅楊潮凱，19號喺社交平台貼出超聲波照，宣布自己再做爸爸！潮凱喺帖文入面爆5歲嘅囡囡Catharine一直好想要個細佬或者細妹：「唔知係唔係每一個女孩子都有想做家姐嘅願望，我好記得每一年CatharineBB生日都會同我地講，佢好想要個細佬或者妹妹，唔知係咪吸引力法則呢？今年終於俾佢恨到喇！😍」
潮凱喺社交平台宣布再做爸爸。
潮凱興奮宣布佢同老婆江玉儀再做爸爸媽媽，而愛女CatharineBB就榮升做家姐，潮凱喺帖文入面話：「辛苦你喇老婆，我會永遠愛你😘我愛你！」
相信Catharine知道自己榮升咗做姐姐一定好開心。
圈中人緣極好嘅潮凱，報喜帖文一出後，胡定欣、陳敏之、黃翠如、鄭俊弘、鄺文珣、傅嘉莉、張㬢雯等圈中人都即時送上祝福。

楊潮凱同老婆相當恩愛。唔少圈中人都有留言祝賀。唔少圈中人都有留言祝賀。