衝出香港嘅尋人節目《尋找世界另一個我台灣篇》，喺過去星期四、五(22與23號)一連兩集播出女神郭柏姸（Rosita）帶大家走訪高雄展開尋找「郭柏妍同名聯盟」之旅，三位郭柏妍分享咗唔少成長經歷同想法，大家好投緣之下極速建立咗真感情，至節目尾聲時充滿洋蔥，Rosita更爆喊收唔到聲。
繼22日晚Rosita與第一位「郭柏妍」夜店初體驗，手篤半裸肌肉男巨胸嚇到尖叫後，喺23日晚兩女攜手尋找第三位「郭柏妍」，結果一碰頭就發展出惺惺相惜嘅友誼，三人結伴去咗不同地方尋找回憶。三位郭柏妍喺海旁邊吃喝邊大談女人經，Rosita自爆17、18歲時有過傾慕對象，可惜鼓起勇氣示愛後遭對方以讀書為由拒絕，Rosita大方地以普通話分享當下慘食檸檬的感受：「我真的蠻相信…亦有質疑是否我的外型，他不喜歡…」說畢即拿出超厚近視眼鏡重現昔日中學「四眼妹模樣」，呆萌Feel相當殺食！
三女還分享了擇偶條件，第二位「郭柏妍」稱喜歡肌肉型男，且最好喜歡動物兼有愛，Rosita聞言話：「我覺得我們蠻像，喜歡樂觀的，我希望他有自己的興趣，找到自己喜歡的東西並努力奮鬥。」之後三人仲大膽講及婚前性行為現象，談到有男生可以將性和愛分得很開，Rosita表示：「只有性的話（指男女關係）好奇怪，生活不太健康。」臨別前，兩位「台灣郭柏妍」輪流讀出寫給Rosita的信，還特意學彈兼學唱Rosita有份主演嘅《下流上車族》主題曲《一家人》，令Rosita感動得失控爆喊，場面感人。
節目除咗感性位之外，亦有Rosita搞笑一面，大家應該仲記得佢曾經為咗拍劇學踩板，練得一副好身手，喺節目中Rosita都要板女上身，原本以為佢可以得心應手咁應付，點知一吓子失平衡仆倒，搞到手踭、膝蓋擦損，好彩只係皮外傷無大礙，經包紮後Rosita面不改容繼續出發，果然係青春熱血嘅女神。短短幾日之間令Rosita經歷溫情之外，仲係一個名符其實有血有淚嘅旅程呀﹗
《尋找世界另一個我台灣篇》星期四、五晚 22:30 翡翠台