本尊就位｜結局篇仙妖大戰孔德賢吐血犧牲 黃嘉樂出盡力陳嘉慧一身傷

日前大結局嘅賀歲喜劇《本尊就位》笑點不停，而日前大結局當中，扮演神棍嘅 孔德賢 最後決定犧牲自己拯救五族房鎮同大家，令雪花姑娘 陳嘉慧 亦發現自己最愛是誰。拍吐血場面嘅Danny夠晒偉大，不過Erica就笑言等到愛人離世先知自己心意實在抵打呀。

同樣為阻止被穿山甲妖上身嘅 黃嘉樂 殘害村民，其實Erica亦都受唔少苦，要被對方捉住又推跌，搞到全身傷痕，仲話冇得吊威吔就令佢有少少失望呀。

真．假大仙齊齊為鎮民力抗妖怪， 謝東閔 就話結局動作場面由朝拍到晚，雖然攰不過就非常滿足喇。至於邪到爆嘅嘉樂，要同閔大人經歷仙妖大戰，佢哋就話要多得幕後武術人員同動畫同事協助令畫面咁豐富喇。