「三娘」文凱玲公開甜蜜婚照 與未婚夫超甜大曬誘人身段
月初突然公開男友過大禮待嫁嘅 文凱玲 ，今日再發佈佢同未婚夫嘅超甜蜜婚照。一對新人早已決定拉埋天窗，奈何被疫情耽誤。早前完成宣傳賀歲劇《狀王之王》後，兩人就急急安排喜事，好似男友就準備龐大禮物上門過大禮喇。
而完成傳統儀式之後，原來一對新人亦已拍攝好婚照，Connie以低胸婚紗同禮服登場，同男友大曬甜蜜幸福，Connie亦話：「過大禮之後就去影婚紗相，揀咗影樓同西貢一個農莊拍攝，農莊嗰度有歐陸風情，有羊咩咩玩，仲有沙灘同藍天白雲，而且係私人地方，唔會有好多人望住你影相。」
佢又提到婚禮將於下月舉行：「忙完《狀王之王》宣傳後，就密鑼緊鼓搞3月中嘅婚禮，多得各方專家同朋友幫手，籌備得好順利。」
