李國麟孖李子雄挑戰《科目三》 獲近60萬人點讚

由賈玲執導兼主演、內地勁收27億嘅電影《熱辣滾燙》，有唔少實力演員參予演出，當中包括綠葉李國麟。講起點解會客串呢套電影，李國麟大讚呢部電影劇情太吸引人，所以作為演員嘅佢，話可以參與到呢部優秀作品覺得好榮幸，佢仲笑言客串之餘仲可以賺錢，加上拍攝其間又收穫到好多樂趣，所以好開心呀。

另外，李國麟早前同埋李子雄一齊挑戰近期內地洗腦歌《科目三》，李國麟將短片上載到抖音，獲得近60萬人點讚。喺帖文入面李國麟表示：「兩個年紀相加100多歲的老頑童挑戰科目三。」唔少網民睇完都留言話李子雄跳得好過李國麟，亦有人留言話：「好傢伙，差點有個動作就讓你們跳對了。」