施匡翹 一踏入龍年就有好開始，最近密密商演嘅佢，日前又應邀同 謝高晉 出席「亞洲企業家協會就職典禮暨建龍飛馬春茗晚宴」擔任表演嘉賓，Zaina唔止首度公開演唱新微電影《錄音魔》嘅主題曲《Girls Talk》，佢亦同喺《Savasana》擔任Rap部份嘅 Heyo 再度合作表演。
Zaina早前到台灣旅行充電，一返港就忙個不停，難怪佢好她開心話：「完全估唔到，希望接到愈來愈多工作啦！」早前拍攝完微電影《錄音魔》嘅佢，片中同非常欣賞嘅女歌手 JC陳詠桐 合唱：「JC係我好欣賞嘅女歌手，好期待俾大家聽到我哋合唱歌，今晚自己獨唱住先。」
而既係甲一籃球員又係歌手兼演員嘅 謝高晉 ，踏入新一年就充滿希望同生氣，早前佢參與拍攝嘅法國電影預計年中上映，而身為籃球員嘅佢，又準備殺入綠草如茵嘅高爾夫球場，加入「香港藝人高爾夫協會」：「多謝漪淇姐(林漪淇)同小恩姐(黎瑞恩)，暫時仲未落場，球包、制服已好齊全，最慘係我身得高，要特別訂造球桿。」
