南韓女團SISTAR、SISTAR19主唱孝琳宣布下月初將會嚟香港，仲會喺一個禮拜內現身音樂節同演唱會跟歌迷見面，對於下月初既演出，孝琳好期待「好耐無咁頻繁到香港演出，我真係好興奮！因為上次喺香港唱戶外騷，感受到大家嘅熱情，所以今次我會學多幾句廣東話，希望粉絲會感受到我嘅熱誠。」
短時間內要先後現身個唱同音樂節，孝琳笑言唔擔心樂迷難以選擇「我當然會希望兩日都能見到粉絲們，但如果要選就當然係個唱！因為這次個騷會有很好多同大家近距離接觸嘅機會，VIP仲可以同我單獨合照，亦有機會獲得簽名海報，希望大家踴躍支持，我唔怕簽到手軟！」
每次孝琳訪港，歌迷定必一早到機場接機，孝琳話知道大家嘅愛意，但擔心樂迷安全「如果可以大家都係唔使去機場接我，路途遙遠，等待時間長，但我都不能夠停落嚟見大家，所以都係留番喺演唱會同合照時先好好見面吧！」
孝琳仲話認得部分香港Fans，笑言有部份曾經去到韓國「追星」，大讚香港Fans真係好熱情，有啲陪伴咗我十幾年，仲去到韓國睇我嘅演出，佢哋會舉起「Hong Kong」嘅燈牌，所以我真嘅好感動。