身兼潛水教練嘅何泳芍(Honey)呢日喺一個水箱入面化身性感美人魚現身游來游去，為一間美人魚學校舉行開幕儀式。
熱愛游水嘅Honey喺水中似足童話故事人魚公主咁，佢為咗呢身裝扮，付出好大代價：「要五個人幫我著呢套裝束，搞到出晒汗，行都行唔到，美人魚條尾喺水中郁動難度增加，我哋唔係講求要憋氣幾耐，或者潛到幾遠，係講求美感，喺水中越緊張肢體越唔去水，所以記住放鬆保持靚樣就做到美人魚。」
Honey早前為主持節目《港女野人2》到紐西蘭拍攝，呢個trip令佢見識好多，最難忘係行程廿幾日幾乎走遍整個紐西蘭，由北島玩到南島，雖然有啲辛苦，但拍攝時去到一處土著地方，見識到「毛利人」熱愛山、水同大自然，遇到咩唔開心都會同大自然傾訴，係一個好好體驗。
