日本影帝 菅田將暉 兩年前忽然公布迎娶「厭世樣」女神 小松菜奈 嘅消息震驚唔少粉絲，但係大家都係抱祝福嘅態度面對兩人嘅婚姻，而喺9號兩人亦透過各自嘅事務所報喜，宣布第一個愛情結晶品來臨喇。
其後小松菜奈亦喺社交平台上載親筆手寫信分享榮升媽咪嘅喜訊，文中表示：「在此向大家報告，我們的家庭中誕生了新的生命非常感謝能在眾多支持下度過平靜的日子。如果能繼續溫暖地守護着我們一家三口的生活，實在相當幸福。」相當大家會好奇到底B仔會似媽咪多啲定爹哋多啲。
菅田將暉同小松菜奈曾共同出演《錯亂的一代》、《溺水小刀》以及《線：愛在相逢時》三部電影，喺《線》拍畢後始成格為戀人關係，之後更發展成同居情侶，2021年11月兩人發表結婚聲明公布步入人生下一階段嘅消息。因為當時係疫情嘅關係兩人沒有舉行婚禮，只係以答謝會形式宴請親朋慶祝。直至去年兩人喺婚後首度同場現身，出席巴黎嘅時裝騷，一路上菅田拖實太太，而小松就向品牌人士介紹自己嘅老公﹐兩口相當甜蜜。
