《HOME即是識》今個星期正式展開決賽，經過六輪初賽互相「廝殺」之後，出線嘅隊伍分別係藝人隊嘅 艾妮 許靖韻 蘇麗珊 羅雪妍，以及素人隊嘅黃生、黃C拉、Carol、Ming、Pen、Kazaf同以最高分姿態晉級嘅Cathy、柏遨。決賽將新增終極Battle，最高分嘅兩隊會以一問一答形式爭奪終極獎金！
嚟到決賽周戰況相當激烈，一眾「家事達人」賽前做足功課嚴陣以待！星期一同星期二晚播出嘅兩集，艾妮同許靖韻就一定係大家嘅焦點所在，許靖韻由於失聲關係，全程以Man爆沙啞嘅聲線講嘢，雖然聲沙沙但依舊無阻佢精靈表現，成功以靚樣冧掂隔籬組嘅Kazaf心甘情願「通水」畀貼士，場面搞笑！素人隊方面，黃生同黃C拉嘅互動最為搞笑，黃C拉不時「常哦」上身哦爆黃生！
第二回合嘅動作題戰況同樣激烈，身為女神級嘅艾妮、許靖韻、蘇麗珊同羅雪妍，挑戰喺限時內用氣球將膠杯封實，四位靚女拋低偶包出盡力不停吹氣球，吹到上氣唔接下氣，艾妮更激到整冧水杯搞到成地都係水，非常遴迍！
至於第三回合搶答題，一味靠撞殺入決賽嘅蘇麗珊、羅雪妍繼續受到幸運女神眷顧，蘇麗珊如有神助般瘋狂答對問題，嚇到主持森美O晒嘴！最終邊兩隊可以殺入終極Battle？記得留意決賽嘅戰況。
《HOME即是識》最後三集 星期一至三晚22:30 翡翠台