於戲曲中心舉行嘅第17屆亞洲電影大獎頒獎禮，典禮由 王梓軒 與 陳凱琳 主持，二胡演奏後先由四位來自亞洲各地嘅青年大使劉冠廷、馬里奧毛瑞爾、宮澤冰魚及柯煒林分享對電影嘅睇法，再由一眾主禮嘉賓舉行亮燈啟動儀式，展開整晚頒獎序幕。
由35部入圍作品競逐嘅各項大獎，經過評審嘅仔細評核之後塵埃落定，各個獎項可以話係平分春色。
最佳電影由《無邪之境》獲得，最佳導演則係日本電影《怪物》嘅是枝裕和第三度獲得，而最佳男主角則係早前獲得康城頒發影帝，同時第二度獲得亞洲電影大獎影帝嘅日本殿堂級演員《新活日常》役所廣司嘅囊中物，最佳女主角就頒予《草木人間》扮演騙徒內地知名女演員蔣勤勤。
香港代表都獲得好成績，最佳新導演由《年少日記》嘅 卓亦謙 獲得，而畢業後參演首部作品《白日之下》嘅 梁雍婷 就勇奪最佳女配角。《金手指》嘅 文念中 同 林子僑 就分別得到 最佳造型設計 同 最佳美術指導 兩獎。
完整得獎名單依頒獎序如下：
最佳視覺效果：山崎貴、渋谷紀世子、髙橋正紀、野島達司 《哥斯拉-1.0》
最佳造型設計：文念中 《金手指》
AFA新世代獎：趙麗穎
最佳新演員：Tergel Bold-Erdene 《風之城》
最佳美術指導：林子僑《金手指》
最佳編劇：萬瑪才旦(已歿)《雪豹》
最佳攝影：馬提亞斯德爾甫《雪豹》
卓越亞洲電影人大獎：李英愛、鈴木亮平
最佳剪接：金尚範《12.12：首爾之春》
最佳音響：井上奈津子 《哥斯拉-1.0》
最佳男配角：朴勳《12.12：首爾之春》
亞洲飛躍演員：Win Metawun O.
最佳原創音樂：石橋英子《無邪之境》
2023最高票房亞洲電影：《滿江紅》
最佳女配角：梁雍婷《白日之下》
最佳新導演：卓亦謙《年少日記》
終身成就獎：張藝謀
最佳女主角：蔣勤勤《草木人間》
最佳男主角：役所広司《新活日常》
最佳導演：是枝裕和《怪物》
最佳電影：《無邪之境》