韓國女歌手李彩演（Lee Chayeon）參加過韓國人氣選秀節目《Produce 48》，曾為人氣限定女團IZ*ONE成員，前年正式以Solo身分出道，佢將於5月1號喺香港舉行粉絲見面會，票價分$880至$1580，門票於3月12日上午11時起喺網上開賣。
香港樂迷等候多時，彩演終於落實來港，跟香港CHAERISH（粉絲暱稱）見面。主辦單位宣布彩演將喺5月首次單飛來港，假旺角麥花臣場館舉行見面會，而彩演首個巡迴粉絲見面會，今年初喺韓國揭開序幕，見面會以「CHAERISH UNIVERSITY」大學校園為主題，彩演化身校園中「最理想的前輩」，與粉絲度過愉快「校園時光」，當然不少得彩演嘅勁歌熱舞。
今次FANMEETING ，李彩演亦為CHARERISH準備咗一系列豐富福利，包括簽名拍立得、團體合照、簽名海報、全場擊掌、限定小卡，切勿錯過跟彩演近距離見面嘅機會。
李彩演於2022年10月以Solo歌手身分出道，憑實力唱功及舞台魅力，被譽為「新一代表演女王」，備受外界關注。主打歌《KNOCK》及《LET’S DANCE》一度引發起社交媒體「跳舞挑戰」熱潮。最近彩演擔任一個網上節目嘅主持，彩演邀請圈中好友擔任嘉賓，一邊飲酒一邊談心，早前邀來IZ*ONE時期拍檔姜惠元掀起粉絲「回憶殺」！