許紹雄認佘詩曼做契女延續父女緣 林峯開心孖阿佘六度演情侶

香港影視娛樂博覽2024正式開幕，多個本地及外地片商喺呢個年度盛事為大家介紹即將推出或製作中嘅影視作品，由佘詩曼同林峯主演嘅劇集《家族榮耀之繼承者》亦係其中一套推介作品。

林峯呢日率領同劇演員羅子溢、許紹雄（Benz雄）、黃浩然、余安安、陳靜、梁靖琪及王敏奕現身，女主角佘詩曼因工作關係未能出席，佢就拍片為新劇宣傳，Benz雄今次與阿佘再結父女緣，現實中更跟阿佘已上契，Benz雄認咗阿佘做契女，將呢份情由拍劇延續至現實。

林峯同阿佘呢對熒幕情侶每次合作均令人難忘，佢都好開心第六次與阿佘一齊演情侶，而林峯影視作品更係一部接一部；林峯呢日仲出席同古天樂、任賢齊電影宣傳活動，小齊透露喺戲中打戲連連，要同啲後生仔打到飛起，而古仔介紹角色即場講爛gag。