Maynne小喇叭｜林峯吳卓羲罕合體俾足面 爆隔日通電話「見面」甜過情侶

麥美恩 同 曾展望 主持嘅《Mayanne小喇叭》分別討論過女士澎湃身材同男士中年之苦，呢日錄影就邀請咗好一段時間冇合體嘅老友 林峯 同 吳卓羲 做嘉賓，分享相識廿幾年以來嘅相處秘密，仲話隔兩日就已經要通個電話見個面，真係Sweet到爆炸呀。

阿Ron仲話咁多年來同阿峯可以話無所不談，無論工作好、感情好，乜都會講一餐呀。Mayanne仲話非常感謝林峯一個短訊就即時應承受訪，而阿Ron亦係呢次訪問改機票返港受訪，難怪Mayanne咁感激兩位嘉賓喇。

近日正喺大馬宣傳新戲嘅阿Ron，呢日問起佢同Fans握手慘食檸檬嘅笑料，佢就指同大家認知有分別，話自己係特登搞氣氛，完全唔係女Fans或者自己魅力不足嘅問題咁話。