容祖兒（Joey）、蔡卓妍（阿Sa）及鍾欣潼（阿嬌）之前主持內地綜藝節目《因為是朋友呀》大受歡迎 ，過程中與嘉賓暢談工作及生活上嘅心底話，未知佢哋三個係咪再拍續集，近日現身新加坡又玩又食。
阿Sa同Joey早前被影到喺機場嘅一個航空公司貴賓室，見阿Sa係咁向Joey推介食魚蛋粉，仲話自己每次都會食；眨吓眼就有網民捕獲佢哋喺新加坡最受歡迎嘅大排檔老巴剎美食廣場出沒，佢哋喺熟食中心食海南雞、串燒及湯粉擦餐飽。
之後Joey、阿Sa及阿嬌坐郵輪離開新加坡，前往檳城逗留幾日，而佢哋喺郵輪上嘅嘉賓就搵咗高海寧（高Ling）驚喜現身，四個女人一個墟，四人一齊飲杯嘢、傾吓偈，高Ling身穿性感上衣，大騷香肩玉背，有傳Joey、阿Sa及阿嬌跟住就去芭堤雅，拍完先返港。
