歌唱競賽節目《中年好聲音2》今個星期就會由7強選手競逐今屆冠軍誰屬,總決賽仲有幾日就來臨,而7強選手 顏米羔 譚輝智 黃劍文 古淖文 安雅希 沈宗賢 同 陳俞霏 就齊齊現商場造勢喇。
比賽氣氛競爭激烈,日前一集爭入7強嘅收視亦高達23.2點,有151萬觀眾收睇成為榜首,呢日大家亦現場為觀眾獻唱爭取大家嘅支持。而越唱越有嘅 譚輝智 呢日仲獲得「現場觀眾至Like好聲音」獎,相信對佢星期日參加總決賽信心大增,不過佢就依然非常禮讓喇。
而 古淖文 早前同 谷婭溦 以《Bad Boy》出戰獲評審大讚仲獲95分,難怪呢日佢話決賽會放飛自己盡情跳唱,連 陳俞霏 亦都一樣話要唱自己最鍾意嘅快歌呀。至於Kimman就率先爆已經著手排舞,不過就面對唔少困難呀。
同樣會挑戰高難度快歌嘅熱門顏米羔,就指決戰歌曲快到連氣都冇得唞,自己要瘋狂練氣應付,睇嚟當晚大戰一定會非常精彩喇。
《中年好聲音2登峯之戰》星期日晚 20:00 翡翠台
登入後即可查看我的收藏
登入後即可查看瀏覽記錄